My Way Homemade Pasta (已結業)

睇完J 台<搵食X團>介紹呢間餐廳，見到D食物整得好靚，D加拿大海膽又大大條再加埋龍蝦汁調製，同埋D手打麵望落好好味，隔住個電視都流哂口水，諗住去試一試。雖然晚飯時間嚟到全店只有三四台，不過一場嚟到都點咗個招牌海膽蛋麵同埋個鳗魚意大利飯，跟餐先上個包同埋雜菜湯，個包還可以，但個湯味道非常淡，好似湯粉開水似的。跟住到個鰻魚意大利飯上碟，坦白講，飯同鰻魚的味道都算好味，但跟電視節目入面鰻魚的size差好遠，感覺上我個條極其量仲發緊育。然後到最期待的海膽蛋手打麵，賣相十分吸引，但份量比較少，實在不夠飽，而海膽味道還不錯，另外麵汁亦吃不出有龍蝦湯的味道，而所謂手打麵麵身比較幼，味道只是一般。總括而言，廣告既野不用太認真，一試作罷。