京都抹茶庵 (已結業)

一見到有來自日本嘅新抺茶甜品店又點可以唔去試呢！本來俾嗰張流心爆漿嘅抹茶蛋卷相吸引而去的，但夜晚去到話賣晒原條外帶裝，由於無時間坐低堂食，唯有試食佢嘅外帶軟雪糕，友人揀咗抹茶軟雪糕($42)，我就試抹茶軟雪糕伴紅豆白玉丸子($52)！賣相同menu張相有d出入！軟奶奶，一唧出來已經係比薩斜塔！雪糕真係冇乜抹茶味，好淡口！好在紅豆夠香夠甜，丸子也ok，個cone都夠脆夠香！可能係我期望過高吧！下次行過再試買個流心抹茶卷蛋先！