Ufufu Cafe (已結業)

由佢未開正式開張嗰日已經發現咗佢，好想親臨。可惜屢次陰差陽錯，而家已經開咗成年先至逼到老公陪我嚟。我哋係嚟食晚餐嘅，佢個Menu唔係剩係得雪糕，熱食都有。例如Pizza，飯，Pasta ,漢堡扒等等等等。所謂一般嘅大路嘢。我哋叫咗一個咖喱牛脷蛋飯，明太子豆腐，當然仲有一杯雪糕芭菲啦。先嚟個咖喱飯，講真味道真係非常之一般。咖喱汁好稀，缺乏左咖喱汁嘅濃香。舊牛肉都係一般般啦，唔係乜嘢貴嘅肉。蛋都非常之平凡。唔難食，不過亦冇乜驚喜。反而個明太子豆腐幾惹味壓繼就當然係我嚟嘅主要目的：雪糕芭菲揀咗士多啤梨奇異果3.6牛乳嗰隻。原來個非常之壯觀嘅雪糕Menu另外3/2嘅選擇都係普通嘅雪糕球或者Frozen yoghurt。同個飯一樣，只可以話：唔難食。:又一樣非常之普通嘅食物。亦唔覺得佢哋聲稱用咗嘅3.5牛乳特別香滑。街邊雪糕車嗰啲好似仲好食。呢間野睇嚟都係冇下次，間野擺到明係俾一班年青嘅靚仔靚女或者啲拍近拖嘅中學生/大學生。可能我同老公已經年紀大，18 , 22嘅年青人或許會俾我哋更加識得欣賞。