影片
更多
2021-10-01
438 瀏覽
北區食肆選擇不多，就算開到成行成市的壽司店，都要走到落大埔，唉！早前一家人落荃灣逛街，其中一個節目當然係醫肚，單是一幢荃灣中心，已經食肆林立，花多眼亂。算來對上一次食烤肉都已經係超過一年前既事，老遠傳來烤肉的香味，的確是一種無形的誘惑，二話不說已經作出選擇。近年烤肉店開得越來越多，平平地百零二百蚊可以落樓，貴既動輒過千，豐儉由人。基本上佐賀燒肉以放題為主，套餐分為「A、B、C、D、E」五款，所包含的肉類各有不同，大家可按自己須要決定。食烤肉當然要配杯啤酒，又或是Sake，家陣只須另加$35，就可以Free Flow，女士們亦可以另加$28，來一杯梳打梅子酒（但只可加一次）。今次選了「SRF 極黑和牛小排配直上海鮮放題」（120分鐘暢食）（小童或長者$408 / 成人$458）先發牛肉選了「煙燻壺漬封門柳」，為了鎖住肉汁一定要原條燒，肉質鬆軟而有嚼口，即時要追加，但要快，因為數量有限啊！論到質素最好一定是佐賀和牛（150g），近日做推廣，但凡惠顧D/E餐，每兩位便送上一份（優惠期去到11月30日）；雪花白的油脂分佈平均，燒起來引發陣陣火光，入口滿是油香，超正，若果嫌份量不夠，大可多花$6
北區食肆選擇不多，就算開到成行成市的壽司店，都要走到落大埔，唉！
早前一家人落荃灣逛街，其中一個節目當然係醫肚，單是一幢荃灣中心，已經食肆林立，花多眼亂。算來對上一次食烤肉都已經係超過一年前既事，老遠傳來烤肉的香味，的確是一種無形的誘惑，二話不說已經作出選擇。
近年烤肉店開得越來越多，平平地百零二百蚊可以落樓，貴既動輒過千，豐儉由人。
基本上佐賀燒肉以放題為主，套餐分為「A、B、C、D、E」五款，所包含的肉類各有不同，大家可按自己須要決定。
食烤肉當然要配杯啤酒，又或是Sake，家陣只須另加$35，就可以Free Flow，女士們亦可以另加$28，來一杯梳打梅子酒（但只可加一次）。
今次選了「SRF 極黑和牛小排配直上海鮮放題」（120分鐘暢食）（小童或長者$408 / 成人$458）
先發牛肉選了「煙燻壺漬封門柳」，為了鎖住肉汁一定要原條燒，肉質鬆軟而有嚼口，即時要追加，但要快，因為數量有限啊！
論到質素最好一定是佐賀和牛（150g），近日做推廣，但凡惠顧D/E餐，每兩位便送上一份（優惠期去到11月30日）；雪花白的油脂分佈平均，燒起來引發陣陣火光，入口滿是油香，超正，若果嫌份量不夠，大可多花$688，來一條和牛船，讓味蕾大滿足。
再來出場是E餐主角之一的牛肉架，由上而下，按人頭數放上SRF極黑和牛小排、澳洲和牛原塊板腱、極上牛小排、精選牛肋肉、牛翼板與及牛肩胛肉。想味道逐層提升，就由最低層的燒起，肉質是越來越濃，鬆軟度各有不同，喜歡的，大可隨便追加。
畢竟是數碼時代，點菜已是用手機apps天下，掃過 QR Code，所有菜色，一目瞭然。
肉類再來牛舌（鹽醬）及羊架，生熟度大可自己控制，個人覺得羊架羶味輕盈，油脂位較多，但已經不錯。如果嫌只食肉類太單調，又可以轉下口味食海鮮。
簡單一個「海鮮大滿足放題」，已經有齊燒鰻魚、燒珍寶生蠔、牛油燒廣島蠔、燒巨半殼扇貝、牛油香草燒帶子、燒大虎蝦、燒原條魷魚筒、多春魚、半殼青口、鯖魚、墨魚仔、魷魚鬚、燒帆立貝（牛油）、香草海鹽燒蝦仁及清酒煮蜆。
個人推介原條魷魚煙煙韌韌又香口、大虎蝦size夠、墨魚仔好爽口，值得一試。放題食物當然多完化，又可以燒下雞腎同菠蘿。
其他雜項有牛油粟米粒、煮蜆味噌湯、美式牛肉蘑菇飯及黑椒炸雞軟骨。
清清地，反璞歸真，中華海蜇、中華沙律同胡麻豆腐（冷）。
飲品大堂中間位置是冷凍櫃，內裡擺放了飲品及甜品。
飲品選擇幾多，計有蜂蜜柚子、芒果汁、韓式龍井茶、菊花茶、烏龍茶、仙草爽、酸梅湯、冰糖雪梨、番石榴、薑母茶、錫蘭檸檬茶與及好幾款本地大路品牌，加加埋埋差不多30款飲品，仲未計自助咖啡機同熱飲十幾款。
當然，雪糕機有抹茶雪糕及乳酪，放入迷你雪糕脆筒一齊食仲開心。甜品
凍櫃內甜品反而不算多，只有芝麻小丸子、香蕉冰卷、豆腐花、泡芙及綠茶麻薯之類，原因是部份可以透過 QR Code 內落 order。
朱古力綿花糖香蕉就係用手機落order。值得一讚是侍應反應快，對食物的特性了解，見稍微有空又會幫客人烤肉，幾窩心。
張貼
