牛摩+ (上水廣場) (已結業)

今晚請朋友食生日飯，帶咗佢嚟上水廣場嘅牛摩食日式火鍋放題，今餐食好少少，我哋揀咗食極品美國牛小排嘅放題。湯底方面有好多選擇，一眼就被呢個造型可愛嘅別注版湯底吸引 —— 博多美人骨膠原啫喱雞白湯，朋友就揀咗關東風壽喜燒。一開始就會先上一碟極品美國牛小排，牛肉嘅雪花好靚，厚薄適中，口感軟嫩，食落唔會有渣，非常唔錯！之後再追加嘅牛小排都保持到同樣質素。出面自助區有各式各樣蔬菜同配料，調味料，飲品，甜品，一應俱全。睇睇Menu，發現除咗平時會見到嘅一般配料之外，仲有一系列期間限定嘅台灣祭食品，其中我覺得好吸引嘅係墨汁香腸，爽脆炸魚皮，芝士牛肉貢丸，冰烤番薯，一口黑糖麻糬，竟然連珍珠奶茶🧋都有！同時可以品嚐到日式同台式火鍋，感覺非常特別海鮮方面，都有唔少選擇，其中有廣島蠔，加拿大翡翠螺，蟹籽墨魚滑等都值得一試。廣島蠔都幾肥美，蠔味好濃。翡翠螺好大隻，螺肉大大粒好厚肉，喜歡食螺嘅朋友必點。朋友見到Menu上有個溫泉蛋牛摩飯，就忍唔住想試試，味道都唔錯。甜品方面，必食嘅梗係北海道低脂乳酪，仲可以自己加topping。另外有個士多啤梨忌廉蛋糕都幾好食。呢餐食得好豐富，好滿足