影片
更多
2018-08-20
3367 瀏覽
茶狼popup完一輪，開始陸續多分店，原本興趣不大，不過最近見唔少人分享，襯桃當造時節，茶狼都趕上推出桃茶，成功吸引左我。桃嘅手搖杯我只係試左喜茶同一間已經執左嘅本地茶飲。難得過海，就去會一會狼。中環店位於扶手電梯附近天橋口，位置便利。假日關係，約莫有十人排隊，仲有好多遊客，見人排又走去排下餐牌供應果茶、芝士奶蓋茶、冰滴茶、冷泡茶等，定價$22-48，一律大杯裝。難得見到有飲品店係沖泡比買飛快，一來收銀店員唔夠效率，二來一部份人係埋到位先慢慢諗買乜，再慢慢攞錢。所以我淨係等買飛都差唔多十分鐘，反而等左一陣就拎到飲品。日本山梨縣鮮桃奶蓋茶 $45用日本山梨縣鮮桃製作，屬於限定產品，鮮桃系列可配四季春或奶蓋茶，相差兩蚊。奶蓋質地稠身，底層為桃汁，而非沙冰底，所以倒入奶蓋後，都會快速向下流，承托唔到奶蓋。慶幸我呢杯都算整得幾靚仔，分層明顯。純奶蓋除左有奶香，都會有少少鹹味，可能我飲開喜茶產品，相對之下呢個已經係正常鹹，算係香港飲過合格嘅奶蓋桃汁確實香甜，糖水感唔重如果買杯桃茶唔甜，你又話唔抵啫，哈哈，真係好怕甜又要飲嘅就建議少甜啦。認同茶味較弱，不過都係預期之中，又不至於話弱到完全感覺唔到，
餐牌供應果茶、芝士奶蓋茶、冰滴茶、冷泡茶等，定價$22-48，一律大杯裝。難得見到有飲品店係沖泡比買飛快，一來收銀店員唔夠效率，二來一部份人係埋到位先慢慢諗買乜，再慢慢攞錢。所以我淨係等買飛都差唔多十分鐘，反而等左一陣就拎到飲品。
日本山梨縣鮮桃奶蓋茶 $45
用日本山梨縣鮮桃製作，屬於限定產品，鮮桃系列可配四季春或奶蓋茶，相差兩蚊。奶蓋質地稠身，底層為桃汁，而非沙冰底，所以倒入奶蓋後，都會快速向下流，承托唔到奶蓋。慶幸我呢杯都算整得幾靚仔，分層明顯。純奶蓋除左有奶香，都會有少少鹹味，可能我飲開喜茶產品，相對之下呢個已經係正常鹹，算係香港飲過合格嘅奶蓋
桃汁確實香甜，糖水感唔重如果買杯桃茶唔甜，你又話唔抵啫，哈哈，真係好怕甜又要飲嘅就建議少甜啦。認同茶味較弱，不過都係預期之中，又不至於話弱到完全感覺唔到，桃香過後，都有微弱茶味留低。一路飲係食唔到果肉，到最尾先會啜到，果肉細粒味濃郁，但以45蚊黎講，要求會更高，果肉有點少。事實上味道唔錯，不過45蚊就試一次算了。
日本山梨縣鮮桃奶蓋茶
$45
81 瀏覽
0 讚好
0 留言
張貼
