影片
更多
2024-04-27
19 瀏覽
最近出咗期間限定！即刻去食！花雕雞卷藥膳雞白湯拉麵有日同媽咪路過見呢個期間限定口味，佢表示有興趣試就入座了！試咗啖湯，甜甜的，微微藥膳味，抗拒藥材味嘅我都接受到！一咬雞卷感受到清香花雕味，雞肉嫩滑入味！媽咪表示滿意，話要推薦帶老友記嚟食👍🏻辛辣炙燒豚肉味玉拉麵 我就叫咗小辛辣，啱啱好夠辣，厚切叉燒有焦脆感，肥半瘦半，中間部分爽口，近肥膏部分腍身，豚骨湯濃厚，湯掛麵，下次想挑戰中辛辣同試埋雞白湯！沙拉唐揚炸雞幾欣賞炸雞個沙律醬，感覺係自家調製的，稠度剛好。羽根燒餃子餃子底面輕輕冰花煎，上面仲保持到蒸焗的濕潤感，怕熱氣嘅媽子本來話食一隻夠，之後都夾多隻！麒麟一番榨 (1/2 Pint) 有生啤飲🙌🏻！價錢唔貴！配拉麵爽！
花雕雞卷藥膳雞白湯拉麵
有日同媽咪路過見呢個期間限定口味，佢表示有興趣試就入座了！
試咗啖湯，甜甜的，微微藥膳味，抗拒藥材味嘅我都接受到！
一咬雞卷感受到清香花雕味，雞肉嫩滑入味！
媽咪表示滿意，話要推薦帶老友記嚟食👍🏻
辛辣炙燒豚肉味玉拉麵
我就叫咗小辛辣，啱啱好夠辣，厚切叉燒有焦脆感，肥半瘦半，中間部分爽口，近肥膏部分腍身，豚骨湯濃厚，湯掛麵，下次想挑戰中辛辣同試埋雞白湯！
沙拉唐揚炸雞
幾欣賞炸雞個沙律醬，感覺係自家調製的，稠度剛好。
羽根燒餃子
餃子底面輕輕冰花煎，上面仲保持到蒸焗的濕潤感，怕熱氣嘅媽子本來話食一隻夠，之後都夾多隻！
麒麟一番榨 (1/2 Pint)
有生啤飲🙌🏻！價錢唔貴！配拉麵爽！
張貼
