媽咪雞蛋仔 (已結業)

今日途經媽咪雞蛋仔，口痕痕，流哂口水。即刻飄左去佢門口。雞蛋仔款式多，花多眼亂，要呢時間揀下，樣樣都想食。甘我地叫左兩款，一款甜一款鹹。甜嘅係牛油果朱古力雞蛋仔，呢款係期間限定。鹹嘅係我地兩個至愛嘅雙重芝士雞蛋仔，因為我地都係芝士fans。首先試下牛油果mix朱古力先，感覺幾特別但又唔會好甜。而本身我對牛油果唔大興趣，但食食下都會不停食落去，果然有驚喜，值得一試！而雙重芝士雞蛋仔，一食落口有好香濃嘅芝士鹹香味，感覺有幾款芝士去製作，好正！我地仲點左伯爵冰茶同抹茶豆花。伯爵冰茶加左少許蜂蜜，香香既茶味適中既甜度，而抹茶豆花，底有豆花增加口感，一樣出色。