豚道樂 (百合苑商場) (已結業)

食肆真係好難做，荃灣間豚道樂早幾日頂唔住結業，要食就唯有去黃埔！雖然好掛住個獨特好味的Wasabi湯底，但見到期間限定係香煎鵝肝鴨白湯拉麵 $90，掙扎左陣決定試新野，仲加左$13升級埋特上。香煎鵝肝表面好似煎餃子咁有層薄脆，食落外脆內軟，入口溶化，正；至於湯底，之前試過雞白湯，鴨白湯就第一次，其實兩者幾相似。豚道樂個鴨白湯底香濃掛麵，我最後成碗飲晒！兩塊叉燒大大塊兼半肥瘦，溏心蛋夠流心，仲有露筍，蔥絲及紫菜，非常豐盛。平日午市仲可以免費加麵一次，大滿足！