Woods (已結業)

最開心莫過於同好友去食好東西，好耐都無見佢喇！想搵個地方一路食一路傾下計，今次揀左黎呢間以木做主題的特色餐廳。剛放工又好肚餓，所以先黎叫左個黑松露醬配薯條賣相十分吸引，份量亦好多，一炸起就即上台，食落去好熱又好脆口，白色個醬真係好食，配埋個醬一齊食，口腔內陣陣都有黑松露的味道！一級推介⋯⋯之後海鮮雜錦薄餅，海鮮在薄餅上都好足料，芝士亦能拉到絲，味道不會過份地濃，薄餅內的醬汁很多，不會令人失望。主菜食燒焗比目魚配冬陰公醬，魚身食落口滑不會有魚腥味，最令我欣賞係個冬陰公醬，同個比目魚好夾，食欲大增，不過菜有少少苦，但整體都好好，同埋擺盤很用心。飲品都好大杯，俾餐牌既吸引，叫左呢杯紫藍日落，不會太甜！正呀！最後又點少得甜品呢！哈哈！紫薯控既我當然叫呢個紫薯窩夫配雪榚，窩夫鬆脆可口！連甜品都吃光光，今餐真係正！下次再約朋友再食過！