影片
更多
2017-10-12
2654 瀏覽
身為一個木嘴，我對食物既要求非常極度之低，基本上只要正正常常，食得飽人已經好足夠。以我多年睇openrice既經驗，好似無乜食評以木嘴既角度出發，既然係咁，就由我帶大家一窺木嘴之日常。今日去左食呢間，原因無它，作為一個木嘴當然係朋友話食乜就食乜。可能因為算早入去，唔算多人，感覺都唔錯，起碼無乜大媽嘈到拆天嚇親我呢個木嘴。不過櫈係圓形超硬矮木櫈，硬過砧板之餘坐落去又似踎多過坐，我食左三粒鐘，轉換左姿勢起碼三十次，好似俾野咬咁成個人扭扭擰擰。唔好意思講左好多枝節，但木嘴對野食既感想其實唔會好複雜，講多少少其他野好似仲好。我地今晚叫左個招牌烤魽魚，係辣度最低級果隻。魚對木嘴黎講都不錯，但辣度極低，亦唔夠香，木嘴雖然未能深層次分析食物，但起碼都可以低層次食到d辣係麻麻。牛肉，丸，牛柏葉，芝士腸，響鈴，菜等等全部正常，但份量唔算多，對大食既人應該唔夠，對櫻桃小木嘴既我就還可以。食食下發覺喇沙雞煲做緊半價，咁就嗌埋啦。睇樣真係totally no mood to eat，但食落竟然幾唔錯，喇沙味幾出，雞夠滑，再加埋d唔錯既海鮮，呢個雞煲絕對正過個魚多多聲，下次可以再戰。另外有樣野要讚係侍應見我地多
今日去左食呢間，原因無它，作為一個木嘴當然係朋友話食乜就食乜。可能因為算早入去，唔算多人，感覺都唔錯，起碼無乜大媽嘈到拆天嚇親我呢個木嘴。不過櫈係圓形超硬矮木櫈，硬過砧板之餘坐落去又似踎多過坐，我食左三粒鐘，轉換左姿勢起碼三十次，好似俾野咬咁成個人扭扭擰擰。
唔好意思講左好多枝節，但木嘴對野食既感想其實唔會好複雜，講多少少其他野好似仲好。我地今晚叫左個招牌烤魽魚，係辣度最低級果隻。魚對木嘴黎講都不錯，但辣度極低，亦唔夠香，木嘴雖然未能深層次分析食物，但起碼都可以低層次食到d辣係麻麻。
牛肉，丸，牛柏葉，芝士腸，響鈴，菜等等全部正常，但份量唔算多，對大食既人應該唔夠，對櫻桃小木嘴既我就還可以。
食食下發覺喇沙雞煲做緊半價，咁就嗌埋啦。睇樣真係totally no mood to eat，但食落竟然幾唔錯，喇沙味幾出，雞夠滑，再加埋d唔錯既海鮮，呢個雞煲絕對正過個魚多多聲，下次可以再戰。
另外有樣野要讚係侍應見我地多骨喺碟會自動波幫我地換碟，服務黎講算係咁。
總括黎講其實ok既，但木嘴份人比較毒舌先諸多埋怨者。呀，同埋間野可以慢慢坐，我地一食食左三粒鐘都無被趕走，只要你頂得順張騎呢櫈，我相信坐到收鋪都應該得，gathering岩晒。
張貼
