影片
更多
2022-08-24
875 瀏覽
💎總評分：7.0/10-聽聞呢間小店lunch成日好多人排隊🙇🏻♀️，呢日嚟接寶貝放工喺附近就特登去試下，喺正角落頭內外都係木系裝修幾有日式味道🎐。In general排隊有兩個因素，一係平靚正😃，二係舖面好細座位唔多😅，不過上菜速度快，應該唔洗等好耐。Menu主打慢煮菜式🧑🏻🍳，亦有幾款小食同特式飲品，精簡而吸引。🚗 好多車主都係泊正門口横街，中午可能難D揾位，夜晚較靜應該不成問題!1️⃣ 慢煮封門柳配自家製雜菌燒汁 $88全日套餐一共8款，全配冷盤&沙律🥙，小編當然主攻招牌慢煮菜式啦~封門柳一D都唔韌唔嚡🐮，非極品高級靚牛肉但都有肉香，配雜菌燒汁有大大片菇更為惹味🍄。主食可揀跟飯或麵，小編揀左稻庭烏冬配豬骨濃湯🍜，另加一隻溏心蛋($8)，本以為係煮熟開邊嗰種日式蛋，點知係原隻生蛋黃仲正🥚~拮爆之後望住佢流入烏冬好治癒☺️，成功令湯底味道昇華。伴隨嘅紫薯沙律都好有heart，入面加左蘋果粒，口感爽甜幾特別😋。2️⃣ 慢煮黑毛豬配肉桂蘋果蓉 $78用蘋果蓉balance豬肉嘅油膩喺西餐算係常見配搭，不過蘋果蓉味道較單一🍎，偏酸不甜亦無肉桂味，肉嘅自身調味可以濃少少避免讓蘋果搶走，but oth
-
聽聞呢間小店lunch成日好多人排隊🙇🏻♀️，呢日嚟接寶貝放工喺附近就特登去試下，喺正角落頭內外都係木系裝修幾有日式味道🎐。In general排隊有兩個因素，一係平靚正😃，二係舖面好細座位唔多😅，不過上菜速度快，應該唔洗等好耐。Menu主打慢煮菜式🧑🏻🍳，亦有幾款小食同特式飲品，精簡而吸引。
🚗 好多車主都係泊正門口横街，中午可能難D揾位，夜晚較靜應該不成問題!1️⃣ 慢煮封門柳配自家製雜菌燒汁 $88
全日套餐一共8款，全配冷盤&沙律🥙，小編當然主攻招牌慢煮菜式啦~封門柳一D都唔韌唔嚡🐮，非極品高級靚牛肉但都有肉香，配雜菌燒汁有大大片菇更為惹味🍄。主食可揀跟飯或麵，小編揀左稻庭烏冬配豬骨濃湯🍜，另加一隻溏心蛋($8)，本以為係煮熟開邊嗰種日式蛋，點知係原隻生蛋黃仲正🥚~拮爆之後望住佢流入烏冬好治癒☺️，成功令湯底味道昇華。伴隨嘅紫薯沙律都好有heart，入面加左蘋果粒，口感爽甜幾特別😋。
2️⃣ 慢煮黑毛豬配肉桂蘋果蓉 $78用蘋果蓉balance豬肉嘅油膩喺西餐算係常見配搭，不過蘋果蓉味道較單一🍎，偏酸不甜亦無肉桂味，肉嘅自身調味可以濃少少避免讓蘋果搶走，but otherwise黑毛豬係出奇地軟熟🐷，重要係唔多肥膏唔洗怕好似五花腩咁食到食口油，厚身得嚟啖啖肉👍🏻，份量比牛柳稍為多少少！寶貝㨂左蕎麥麵同樣加左溏心蛋($8)，清涼好味啱晒夏天☀️，以呢個價錢無可挑剔！
3️⃣ 花花世界 +$15；菠蘿特飲 +$15套餐只需加$15就升級特飲🍹，推介花花世界，玫瑰味為主偏甜🌹，入面有白珍珠好有誠意。
慢煮需時一向定價較貴💰，小店嘅套餐定價全部$90以下，算係抵食。平日晚嚟到都full house，唔少人嚟買外賣添🥡。留意反，餐廳8點last order，小編都係啱啱好趕得切入座，太夜就唔好摸門釘啦🤭！-
環境服務：⭐⭐⭐⭐
食物質數：⭐⭐⭐⭐
打卡指數：⭐⭐⭐
張貼
