Mr. K Pizza N Chicken (已結業)

喺OpenRice 睇到食評同食物相夠吸引，所以預約去試下，仲有85折，一於平日夜晚去試吓，揀咗二人套餐，最初嚟嘅凱撒沙律，普普通通，但都保持新鮮嘅。 之後個Pizza我揀咗兩款唔同口味，外表好吸引，但係食落太多芝士仲要係芝心批，pizza 餅底濕濕地，表面嘅材料又好似撈埋一堆，唔係好分得清係食緊乜嘢材料，祗能講一般般。 另外揀咗炸雞，經典甜酸味，又係好一般，炸粉太厚，可以唔叫。 飲品擇咗荔枝梳打及蜜桃梳打，又係一般般。 總體嚟講，全部都係一般般，但係呢個價錢可以去其他性價比更高嘅韓式pizza炸雞餐廳食。