Burger Mix (已結業)

回家途中, 靈機一觸, 都係食咗嘢先番屋企. 想起這間Burger Mix, 一於試試.已過了黃昏, 室外已經無咁熱, 此店不如其他快餐店, 店內只有厨房和收銀枱, 門外剛好是橋底, 雖有摺枱摺椅可供使用, 但始終係坐响街食, 況且附近環境又並不優美! 扣分! 看看餐牌, 主打是手打牛肉漢堡, 店員向我推介幾款熱賣嘅, 還有套餐價包梳打飲品一杯及炸薯條, 而薯條則可免費'升呢': 加芝士醬. 我就揀咗個$33蚊套餐:巨峰提子梳打: 近排好似幾hit咁, 普通一杯提子汁梳打, 加咗'巨峰'個名就唔同哂, 味道ok!芝士薯條: 芝士醬味道幾好, 但薯條唔脆... 手打牛肉芝士漢堡包 : 個包size睇落唔細, 包身布滿芝麻, 但唔熱. 手打牛肉份量略為不足, 太薄冇口感, 食唔到牛肉香味, 有點失望! 牛肉是漢堡飽內的靈魂, 更大的芝麻包, 生菜, 蕃茄也只是陪襯而己. 比起本地大哥級嘅時新還差好遠!