法國飯店

營業中

休息中

難得入屯門搵朋友，緊係去埋黃金海岸游水玩沙啦，但入面冇乜餐廳，好彩我地揀左呢間法國飯店，雖然價錢貴小小，但真係有返咁上下水準，好味嘅。黑松露野菌湯十分足料，黑松露嘅香味十分之突出，而飲落亦有粒粒口感嘅蘑菇，令到口感更加豐富，無論係菇味定係黑松露味道好正。我地揀左個鮮蝦牛油果水牛芝士沙律做前菜，水牛芝士令到大蝦更加惹味，而且又唔會太鹹，再加埋牛油果同沙律菜將芝士味中和得岩岩好，唔邪惡仲夠哂健康。而主食古法燒西班牙豬腩仔配蜜糖香桃汁都好食，因為豬腩仔本身怕成塊都係肥肉好肥膩，但佢呢個肥瘦比例岩岩好，再配蜜糖香桃汁酸酸甜甜都幾好味。