台食館 (獨立大廈)

營業中

休息中

今日小弟同友人係旺角聽到尼間野新開，深愛台灣美食文化嘅我緊係狗衝la。一坐低我就叫左個蔥油餅加大腸麵線，朋友就叫左個起司肉鬆蛋餅。(我太肚餓唔記得左影😂)第一樣黎嘅係大腸麵線，大腸都算多，但比較碎，面都有幾棵莞茜。味道就好重豉油味，蒜蓉同莞茜味。麵線就好冧。講真，同台灣味道唔同都算，可能係個人特色，但個陣豉油味同我飲緊豉油湯真係無分別😡接著係蔥油餅，蔥油餅嘅餅皮通常有兩種，一係整到好脆，一係就比較煙韌嘅。但佢又唔脆，又唔煙韌。蔥味有，但唔算多。大多數係食緊麵糊嘅味道，真係唔知食緊d咩🌚最後就係個起司肉鬆蛋餅，一黎到，同蔥油餅一樣，都係唔夠熱❄️d芝士根本唔融。。。味道就好單調，餡料味道完全唔融合，芝士還芝士，肉鬆還肉鬆。真心唔推，其他野未試過，但以上嘅野真係唔好嘥錢食