天后甜品 (已結業)

從來未寫過食評，今次開齋就係因為佢。年廿九同朋友行花芇，行到攰去食碗糖水，就求其走左入呢間。叫左個芝麻糊，黎到真係未食都知有伏：攞個人地裝碗仔翅的發泡膠兜上糖水，個芝麻糊就水汪汪、淺灰色（唔夠黑），用佢枝外賣膠羹LIU兩LIU，嘩，真係稀過白粥，食落口唔駛問都知係接近零芝麻味，同埋勁溝砂糖。 簡單啲講就係砂糖水配少量芝麻粉，我食左一半多啲都頂唔順走左，老實講超市啲“日X”即沖芝麻糊都好佢N倍，可以做到咁難食真係世間罕有。朋友點了其他甜品（一個唔知咩燉奶同埋白涼粉）都不遑多讓，一味死甜。 服務就預左冇乜，個個＿口＿面，不過都係要收“加一服務費“既。啲咁既質素都仲有人去食，真係經濟奇跡。。。