影片
更多
2024-12-08
666 瀏覽
{里昂洋蔥工房雜扒 - $60}早一排寶琳新都城廣場好似面臨一個大規模肅清咁，好多舖頭都同時消失咗，然後開咗一連串嘅新餐廳，作為將軍澳區嘅搵食麻甩，一定要過嚟試吓，見到呢間搵食工房好多人排隊，就算網絡係普通嘅茶餐廳都諗住試試，結果出事。。。♦️里昂洋蔥工房雜扒先唔好講個雜扒，跟餐送咗個羅宋湯，睇住店員將佢半隻手指公浸咗落碗湯度咁樣拎埋嚟，雖然有帶手套，不過佢落單、執枱、抹枱、傳菜一直都帶住嗰對手套，感覺相當唔開胃！呢種衛生條件，而家啲餐廳都少啲見，對新餐廳嚟講實在大開眼界！雜扒嘅組合幾得意，呢度係有幾架牛脷、豬扒同埋煙肉製作而成，仲有半個焗薯！不過味道一般般，豬扒都係鬆肉粉系列！原來「搵食」工房搵食嗰個唔係食客而係佢老闆😏*另外，是日最好笑係佢午餐有一個叫「芝麻西泠脆皮雞扒」，西冷牛扒就聽得多，西冷雞扒第一次聽，對面果個抱住同一份好奇叫左返黎😂妖，原來係「西檸」雞！接受到咁寫錯字都係有趣！美味程度：😋😋環境指數：🎇番食機會：🦍📍 #搵食工房 (將軍澳)將軍澳寶琳欣景路8號新都城中心二期UG樓UG051J號舖#foodie #hkfoodie #hkfoodlover
早一排寶琳新都城廣場好似面臨一個大規模肅清咁，好多舖頭都同時消失咗，然後開咗一連串嘅新餐廳，作為將軍澳區嘅搵食麻甩，一定要過嚟試吓，見到呢間搵食工房好多人排隊，就算網絡係普通嘅茶餐廳都諗住試試，結果出事。。。
♦️里昂洋蔥工房雜扒
先唔好講個雜扒，跟餐送咗個羅宋湯，睇住店員將佢半隻手指公浸咗落碗湯度咁樣拎埋嚟，雖然有帶手套，不過佢落單、執枱、抹枱、傳菜一直都帶住嗰對手套，感覺相當唔開胃！呢種衛生條件，而家啲餐廳都少啲見，對新餐廳嚟講實在大開眼界！
雜扒嘅組合幾得意，呢度係有幾架牛脷、豬扒同埋煙肉製作而成，仲有半個焗薯！不過味道一般般，豬扒都係鬆肉粉系列！
原來「搵食」工房搵食嗰個唔係食客而係佢老闆😏
*另外，是日最好笑係佢午餐有一個叫「芝麻西泠脆皮雞扒」，西冷牛扒就聽得多，西冷雞扒第一次聽，對面果個抱住同一份好奇叫左返黎😂妖，原來係「西檸」雞！接受到咁寫錯字都係有趣！
美味程度：😋😋
環境指數：🎇
番食機會：🦍
📍 #搵食工房 (將軍澳)
將軍澳寶琳欣景路8號新都城中心二期UG樓UG051J號舖
#foodie #hkfoodie #hkfoodlover #食評 #吃貨 #吃貨日常 #食好西 #香港美食 #美食 #手機食先 #美食攝影 #香港好去處 #寶林
張貼
