合利潮洲粉麵

營業中

休息中

本來想去試成記，特登搭車過去。點知去到成9:30 時，佢貼出休息一天。由於做完野未食飯，所以求其搵間食算。見到附近有呢檔合利潮州粉麵就試下。牛筋幾夠稔。牛腩帶少少肥膏，所以唔太柴，都有少少牛味。河粉略嫌厚身同唔算滑，飽肚角度可以但食感就差少少。腩河嘅湯普通，冇乜特別。阿姐有問要不要辣椒油，原來枱上冇得自己加。可能因為辣椒油係店的主打之一，有得買樽裝，所以只會俾少少。圖中那碟就是我得到的。老實講，如果好味想人買，可以俾多少少，等食客可以試真些少啦。味道不算太特別，但這價錢都唔可以要求太多了。