影片
更多
2018-06-28
153 瀏覽
落住雨又特別想打邊爐，旺角成街都係台式邊爐，我地決定今晚要支持本土派！邊爐門口夠哂吸睛，一睇就知行懷舊路線啦！內裡都係大排檔feel不過值得一贊係有五部以上既強勁冷氣，一上到去唔會覺得好大陣味！食完之後個身都冇乜點吸味！店員先上醬料，有我最最最鐘意既麻醬同炸蒜加分！我地點左258呢個set，超多野食好抵好期待！仲送多個餐前小食，新鮮熱辣炸起，又幾正喎，細細粒魚蛋加埋佢既秘製豉油辣油，好地道又開胃！電話訂座仲送呢個？！哇我覺得呢間真係好dum本，呢個送既秘製鮑魚麻辣雞煲真係不得了（雖然佢問我要咩辣時我話唔辣，但係都仲係覺得好辣）一打開蓋店員幫我地撈勻啲汁去鮑魚度，之後另一個店員走埋黎問我地食左鮑魚未，仲幫我地搵返佢地出黎好細心！個味正到不得了，我平日唔鐘意食雞煲都覺得果陣花椒油味香到不得了，我辣到噴火都要食！隻鮑魚細細隻一啖擺落口，好彈牙！（9/10）食到咁上下店員幫我地裝起食淨既雞煲，然後上左呢個清熱解毒既冬瓜蓮子百合湯，飲一啖係有金華火腿味，其實就即係冬瓜盅囉清甜解膩，用呢個湯底就會食到原材料既味道！下次要試下招牌沙嗲湯底先！！呢碟一上就望到色澤肥瘦均衡係靚黑毛豬片！食落真係好有咬口
門口夠哂吸睛，一睇就知行懷舊路線啦！
內裡都係大排檔feel不過值得一贊係有五部以上既強勁冷氣，一上到去唔會覺得好大陣味！食完之後個身都冇乜點吸味！
店員先上醬料，有我最最最鐘意既麻醬同炸蒜加分！
餐前小吃
33 瀏覽
0 讚好
0 留言
仲送多個餐前小食，新鮮熱辣炸起，又幾正喎，細細粒魚蛋加埋佢既秘製豉油辣油，好地道又開胃！
鮑魚麻辣雞煲
57 瀏覽
0 讚好
0 留言
電話訂座仲送呢個？！哇我覺得呢間真係好dum本，呢個送既秘製鮑魚麻辣雞煲真係不得了（雖然佢問我要咩辣時我話唔辣，但係都仲係覺得好辣）一打開蓋店員幫我地撈勻啲汁去鮑魚度，之後另一個店員走埋黎問我地食左鮑魚未，仲幫我地搵返佢地出黎好細心！個味正到不得了，我平日唔鐘意食雞煲都覺得果陣花椒油味香到不得了，我辣到噴火都要食！隻鮑魚細細隻一啖擺落口，好彈牙！（9/10）
冬瓜蓮子百合湯底
$258
63 瀏覽
0 讚好
0 留言
黑毛豬！
18 瀏覽
0 讚好
0 留言
呢碟一上就望到色澤肥瘦均衡係靚黑毛豬片！食落真係好有咬口好juicy，一啲都冇豬肉既膻味，好出色！（10/10）
安格斯牛
16 瀏覽
0 讚好
0 留言
安格斯牛都好有誠意，最鐘意呢啲瘦肉比例較多既牛肉！感覺上一啲都唔邪惡！如果牛味濃啲就更好喇！（8.5/10）
海鮮拼盤
30 瀏覽
0 讚好
0 留言
呢個包埋係set既海鮮拼盤都好抵食！重點係蠔，蝦同墨魚滑都好好好鮮甜！果幾隻貝殼類都好大隻多肉唔會有沙墨魚滑仲咬到一粒粒墨魚軟骨架！（9/10）
另外仲叫左既午餐肉，炸魚皮，醬爆魚蛋都好出色，食到停唔到口
甜品
37 瀏覽
0 讚好
0 留言
最後仲送左個雜果紅豆涼粉冰比我地，打完邊爐有冰凍甜品食真係好爽，雖然係送但一啲都唔hea，望見到好想食！食落唔會話好甜，係好食既！如果有埋芋圓就perfect!(9.5/10)
好抵讚係店員有次幫我地加湯前仲會幫我地pit埋油，好好服務！仲有見到老細都黎幫手，親力親為！
唯一係如果兩部大電視可以有得轉台就好喇，如果唔係長期播住新聞台又冇人睇有少少浪費
食物同湯底都好多元化，好滿足既一餐
張貼
