T-Parc (已結業)

經過尖沙咀海港城city super，發現門外有個靚靚嘅檔口，原來係tprac嘅pop up store。睇餐牌見飲品款式都幾多，主打清新嘅花茶系列，有別於大家經常喺街邊見到嘅珍珠奶茶，充滿新鮮感。兩小口行街行到又攰又口乾，心郁郁試咗期間限定的花茶同招牌奶蓋茶。夢遊仙境茶飲主要用上桂花、薄荷、菠蘿同綠茶調配而成，茶底比較清淡所以薄荷同菠蘿味相對突出，飲落涼浸浸仲有啖啖菠蘿果肉食，絕對是夏天消暑佳品。伯爵玫瑰奶蓋茶芝士奶蓋整得好厚好挺身，面頭放上玫瑰花瓣裝飾點綴，賣相好精緻。奶蓋口感幼滑，芝士夠香，奶味亦都濃郁，主角伯爵茶味清新帶淡淡玫瑰花香，味道不錯啊！