文記火鍋

營業中

休息中

第一次幫襯文記，每碟餸嘅份量不少，價錢屬中上。店內有海鮮套餐，但覺得不太吸引。如可讓客人彈性選擇order半份，相信會更加吸引二人同行的食客。▪️香茜皮蛋鍋，馬來沙嗲鍋▪️個人比較喜歡濃味嘅沙嗲鍋，文記嘅湯底偏淡。至於香茜皮蛋，芫荽和皮蛋的份量算多，不過味道一樣較清淡。▪️蚌花蚌▪️新鮮爽口，唔錯！▪️️本地手切頂級牛邊抓▪️推薦👍🏻 平時打邊爐通常都係食牛頸脊，今次試咗牛邊抓，會有一啲筋膜位，冇諗過呢度嘅牛肉都唔錯，牛味突出。▪️真打烏冬▪️即係稻庭烏冬，都係來貨嘢，正常。▪️油麥菜▪️份量算多▪️新鮮黑柏葉▪️個人覺得幾爽口，但同行友人覺得比較韌。▪️即炸響鈴▪️由於係即炸嘅關係，等咗一陣先上菜。腐皮好薄，即炸後有入口即溶的感覺。附上嘅芝麻醬唔係好夾，未知店舖可考慮其他選擇呢？😳▪️手打墨魚丸▪️好大粒嘅，不過冇咩墨魚味。經濟不景，大家都睇住荷包食飯，兩個人打個邊爐就過千蚊（無食特別貴嘅海鮮），性價比的確唔夠北上消費。