Black As Chocolate (已結業)

喺友人度聽black as chocolate就聽得多，今日係第一次食，首先喺舖頭揀左邊款蛋糕之後，店員就問你想要咩顏色嘅絲帶去包裝個蛋糕盒，其實隻隻色襯落黑色嘅蛋糕盒都好sharp好靚，小妹揀左紫色去襯返我嘅榛果朱古力蛋糕，紫色睇落好誘惑好神秘咁返到屋企一打開個盒，啲朱古力味湧晒出黎，個個聞到都流晒囗水， 問小妹食得未，梗係相機食先啦！呢個榛果朱古力先講香味真係幾吸引，蛋糕好挺身但咬落好鬆軟唔會實的的，佢嘅朱古力味濃而不漏，面層有店員即場加落去嘅薄脆，外層由香濃嘅朱古力醬包圍，每一層嘅蛋糕中間有朱古力醬同脆脆，食落鬆軟嘅蛋糕再配合薄脆，囗感豐富，越食越想食，連唔好甜品嘅爸爸都食左件，black as chocolate嘅吸引力真大，不得不提！第二日食個蛋糕，啲薄脆仲係薄嘅，唔會變到稔咗，呢個值得一讚！