Black As Chocolate (已結業)

誠意推介來自台灣的朱古力蛋糕，身為朱古力怪嘅我點可以錯過，店內有四款口味，我就最想試榛果脆脆$52同香蕉焦糖$54，但如果買一個六吋又覺得太貴喎，咁唯有買兩個兩吋嚟試下，最外層的朱古力用上70%比利時黑朱古力製造，一打開就散發出濃郁嘅朱古力味，蛋糕鬆軟，中間仲夾有朱古力脆脆，令口感更豐富，而朱古力味唔太甜又夠香。至於焦糖香蕉朱古力蛋糕，蛋糕面層鋪上焦糖醬，再加濃度十足的黑朱古力漿包住再加配上香蕉蓉，對我朱古力怪嚟講只能說『正』，如果可以的話我一定會買個六吋嚟食，因為佢包裝好靚，就是一條簡簡單單的紫色絲帶，但一定要買六吋先有囉。。。。