Black As Chocolate (已結業)

台灣有名的蛋糕店近日進駐香港，以朱古力作招徠，兩間分店，分別係九龍城及銅鑼灣，雖然口味及款式都唔夠台灣多，但四款口味包括榛果朱古力蛋糕、經典朱古力蛋糕、焦糖香蕉朱古力蛋糕及黑加侖草莓朱古力蛋糕已經夠我出現選擇困難。上星期台北行錯過了品嚐既機會，我當然要把握呢幾日既假期去試試佢啦。黎到九龍城店，人唔算多，我最終選擇了焦糖香蕉朱古力蛋糕($398)，好不容易選定了口味，難題又黎了，店員提供了天使匙或魔鬼叉給客人選擇，另外包裝以簡單型格的黑色作主調，但有五色絲帶供選擇，雖然只是簡單的打個結，但已看出其與別不同。等左成晚就到品嚐蛋糕既時候，店員提醒需待於室溫10-20分鐘效果會更好，呢個焦糖香蕉朱古力蛋糕有一圈圈焦糖加上厚厚的香濃既比利時朱古力醬，非常軟滑，而且高達70%可可成份的黑朱古力，甘香又唔會太甜。另一主角香蕉，係選用了兩隻台中中寮新鮮香蕉，香味十足，口感綿密。而且中間既朱古力蛋糕都好香濃軟棉。層次豐富配合得好好。雖然價錢唔平，不過一分錢 一分貨朱古力迷必試。