日昇小食

營業中

休息中

如果想食香口既小食，去日昇小食就一定冇錯。坐落響馬頭圍道，日昇既店面毫不起眼，亦都冇華麗既裝修，係一間樸樸實實既街坊小店。小食黎講，選擇都唔少，而且好味質素好，價錢又相宜。有招牌既韮菜餅($16 三件)，有芫茜餅($20 三件)，亦都有其他小食，好似魚蛋燒賣，炸花支粒，腸粉，雞翼尖，仲有有辣有唔辣既兩餸麵餐(都只係三十幾蚊)。今日因為唔係好肚餓，就買左芫茜餅同大既炸花支。炸花支係我時時都幫襯既小食，鍾意佢啖啖肉得黎炸得香口又唔油，$22蚊大大包，一食就食唔停口。芫茜餅有三件，充料又炸到脹卜卜，一個人清晒係有D多，但又忍唔住會叫。