五十嵐日本料理 (已結業)

下午茶時間在樂富覓食，由於附近的大滿貫唔係好岩胃口，於是就試試五十嵐，以為佢有一定質素。點知……食物水準好一般，但ok，我可以接受到。但侍應態度就唔係好得，特別係有個可能係中層的侍應，著白色衫，背後掛個walky talky寫住「浩x」（唔出人全名），態度好差下。我見佢全程工作都係黑面，叫佢埋單佢眼尾望你一眼就走開，表面上好似望到表示知道，實際上等五分鐘隔籬檯遲叫埋單都俾錢走左，我張單都未埋。整體服務態度都唔及茶餐廳，即使係吉吉島美食廣場，d阿姐都會講句「多謝」，呢度無架，所以唔係十分好想極想食日本野而對腳斷左走唔郁的話，去第二度食啦。