影片
更多
2021-06-02
84 瀏覽
曾經嘅宵夜食堂－自疫情之後都冇機會同同事收工食宵夜lu，有啲懷念所以今晚同媽媽嚟開銅鑼灣就帶咗佢嚟一嘗韓式宵夜嘅滋味😋嚟到李家必叫炸雞－我同媽媽口味唔同，嗌半半炸雞就最啱，今次加錢要無骨炸雞，食得更方便。原味同甜辣炸雞各有各好味之處－原味炸雞非常香脆，雞肉嫩滑帶少少肥，就算無骨都唔會係乾爭爭嘅雞胸肉咁；甜辣炸雞嘅醬汁落得好重手，甜甜辣辣食落更惹味。食埋酥炸魷魚鬚就知道李家嘅炸野一定有保證－魷魚鬚炸得好香口，足足有三隻酥脆彈牙嘅炸魷魚，唔洗點沙律醬已經好好味。辣炒年糕水份收乾變成濃稠嘅甜辣醬汁好入味，年糕煙煙韌韌，另外仲有魚板。海鮮蔥餅夠足料，蝦仁、魷魚、蜆肉平均地鋪滿整塊煎餅，雖然未去到酥脆嘅口感，但點埋酸味味有洋蔥嘅沾醬又幾好食呢！
嚟到李家必叫炸雞－我同媽媽口味唔同，嗌半半炸雞就最啱，今次加錢要無骨炸雞，食得更方便。原味同甜辣炸雞各有各好味之處－原味炸雞非常香脆，雞肉嫩滑帶少少肥，就算無骨都唔會係乾爭爭嘅雞胸肉咁；甜辣炸雞嘅醬汁落得好重手，甜甜辣辣食落更惹味。
食埋酥炸魷魚鬚就知道李家嘅炸野一定有保證－魷魚鬚炸得好香口，足足有三隻酥脆彈牙嘅炸魷魚，唔洗點沙律醬已經好好味。辣炒年糕水份收乾變成濃稠嘅甜辣醬汁好入味，年糕煙煙韌韌，另外仲有魚板。
海鮮蔥餅夠足料，蝦仁、魷魚、蜆肉平均地鋪滿整塊煎餅，雖然未去到酥脆嘅口感，但點埋酸味味有洋蔥嘅沾醬又幾好食呢！
張貼
