走過十萬八千里找到你

營業中

休息中

今次同屋企人去杏花村買鞋，行行下覺得肚餓，見到「走過十萬八千裡找到你」，上次食過旺角分店都覺得唔錯，今次就決定再食喇～甘筍湯甘筍湯打得綿密，完全冇渣，入口滑順<帶子蟹膏蟹肉意大利粉> $128意粉上面有兩粒厚肉帶子，入口嫩滑彈牙，意粉佈滿蟹膏蟹肉醬汁，配料仲加咗菇菌以及洋蔥絲，增添口感<蟹肉牛油果意大利飯> $156原先以為牛油果會直接鋪喺意大利飯上面，原來餐廳將牛油果與意大利飯混和，令意大利飯呈現出一種翠綠，並將蟹肉舖喺飯上。意大利飯加入洋蔥絲、雜菇等配料，令口感更顯清爽<鮮什莓奶昔> $58<菠蘿芒果奶昔> $58我地都喺叫咗奶昔，鮮什莓奶昔有新鮮藍莓點綴，入口會飲到什莓籽，味道清爽健康；菠蘿芒果奶昔比較杰身，入口先有芒果香味，然後會出現菠蘿嘅甜味，整體甜度比什莓奶昔高少少，但飲得出喺用真生果打成，真材實料。