鍾廚

營業中

休息中

早排屋企人生日，去咗呢間比較新式嘅酒樓食晚飯，嗌咗圍菜，大家都食到好飽，食唔曬嘅餸都拎咗返屋企慢慢食。整體嚟講全部食物味道都唔錯，而且全部材料都好足，感覺上都幾抵食。乳鴿一人一隻，個皮都幾脆，油香味都幾足，可以嘅話我都想食多幾隻。龍蝦伊麵放咗好多龍蝦球喺個面上面，見到都流口水，而且上湯嘅味道都唔錯。啲菜煮得好軟腍，配埋啲乾瑤柱絲汁，味道一流，類似係蠔油汁嘅味道。佢仲有煲仔飯、蒸魚同壽包等等，每一樣味道都唔錯，如果佢保持水準既話下次都嚟幫襯。