影片
更多
2011-08-30
21 瀏覽
星期六本來想同成班朋友去元朗來來食坊食雞煲, 打電話去訂位, 點知冇晒室內冷氣位, 要坐街, 嘩! 咪攪, 我地成班又唔食煙, 天氣又焗, 嗰日仲要久唔久落下雨,後來係旺角行行下, 見到有間新舖仔有辣雞煲食, 6點幾, 又唔使等位, 咪入去試下.入到去坐低, 有個串串地嘅中年男人 (我估係老闆) 走埋來問我地要咩, 我地話第一次來就叫佢介紹, 佢就問我地食唔食得辣, 如果食得就要試 "香辣雞煲" 咁話喎, 但係我地食開麻辣, 個男人就話冇, 咁唯有試下佢介紹個煲.我地一邊等個煲, 又四維望下睇下有咩野好叫, 點知個FRIEND突然叫個老細埋來, 原來佢見到牆上面貼住張紙寫住有 "HOAGAARDEN" 同埋 "朝日" 生啤, 仲要係三十幾蚊500ML, 重平過 Happy Hour 係酒吧飲, 當然一人先來一杯啦, 包冇蝕先, 咁點解寫三十幾蚊唔寫個價錢出來, 原因係嗰晚個個飲大咗, 唔記得係三十幾OK, 雞煲上枱, 唔... 聞就幾香, 食落就唔係好辣 (我地係叫大辣架), 雞呢... 一般啦, 都合格啦! 我地等個煲食得咁上下, 就開始叫其它食材來烚下烚下, 但係因為真係飲咗好多,
入到去坐低, 有個串串地嘅中年男人 (我估係老闆) 走埋來問我地要咩, 我地話第一次來就叫佢介紹, 佢就問我地食唔食得辣, 如果食得就要試 "香辣雞煲" 咁話喎, 但係我地食開麻辣, 個男人就話冇, 咁唯有試下佢介紹個煲.
我地一邊等個煲, 又四維望下睇下有咩野好叫, 點知個FRIEND突然叫個老細埋來, 原來佢見到牆上面貼住張紙寫住有 "HOAGAARDEN" 同埋 "朝日" 生啤, 仲要係三十幾蚊500ML, 重平過 Happy Hour 係酒吧飲, 當然一人先來一杯啦, 包冇蝕先, 咁點解寫三十幾蚊唔寫個價錢出來, 原因係嗰晚個個飲大咗, 唔記得係三十幾
OK, 雞煲上枱, 唔... 聞就幾香, 食落就唔係好辣 (我地係叫大辣架), 雞呢... 一般啦, 都合格啦! 我地等個煲食得咁上下, 就開始叫其它食材來烚下烚下, 但係因為真係飲咗好多, 搞到記唔晒食過啲咩, 唯有盡量記番出來啦.
生劏田雞- 呢味最記得, 因為真係生劏, 碟餸放係枱度, 對田雞腳仲撐下撐下, 啲女仔就話好核突, 我地啲鐘意食嘅就覺得好正... GOOD, (P.S. 如果驚嘅就千其唔好ORDER)
响鈴(唔記得係咪咁叫) - 係將啲腐皮卷埋炸到好鬆嗰啲, 好味, 因為佢係新鮮炸出來, 唔同出面炸定嗰啲, ... GOOD
午餐肉 - 應該係火腿豬肉來嘅, 係貴野, 不過我本人覺得食火鍋要用cheap cheap 午餐肉先好食... 一般啦
手打蝦丸 - 唔算好彈牙, 但都幾爽口, 都係好耐以前係力奇果啲好啲, 不過而家都食唔番囉... 算合格啦
牛肉- 因為我地一行八個人, 有五個唔食牛, 所以冇叫到
豬肉- 都OK, 爽口
湯底- 開頭唔係好辣, 食食下有少少辣, 但係我地都覺得唔夠, 叫佢地放多2碗大辣湯落個湯底度, 成班FRIEND先至夠喉 (但係大家唔食得辣千萬唔好試, 因為真係會好辣) ... 免免強強啦, 如果加埋麻會好好多囉!!!
仲有咩呢... 真係唔記得添, 不過我地臨走前, 同老細講咗話我地都係鐘意食麻辣多啲, 佢話比啲時間佢研究下喎, 係咪真架, 如果係就好啦, 不過為咗啲生啤, 我地都會再來嘅!!!
今次係小弟第一次寫食評, 大家多多包涵, 但由於掛住飲酒傾計, 同埋真係飲咗好多, 所以唔記得影相.
張貼