熱沙咖啡 (已搬遷) 新店位置

原本plan左今年去Turkey但因為疫情去唔成，咁我同朋友決定入馬灣試下一間正宗土耳其餐廳補數；今次第一次入馬灣，估唔到由葵芳搭穿梭巴士入去都係15分鐘左右，落巴士行一分鐘就到餐廳是日雖然係平日但都坐左三兩枱街坊，老闆娘好親切咁介紹左間舖既signature dishes，最後我地二人決定要一個特色原池素雞包（$88）整得好靚好健康，有一半係蔬菜沙拉加兩個土耳其版既肉夾饃，見到五顏六色已經好賞心悅目了，食落口不得了🤤入面既雞肉唔知係點整，軟軟既烤餅加埋秘製醬汁酸酸甜甜好出色；第二個dish係鷹嘴豆泥焗薯，鷹嘴豆係中東常見食品，好有營養價值，不過表面既蛋黃醬略多配上芝士會有小小膩，但整體幾好食，有多重口感不過呢度最有特色一定係呢個coffee on the sand 同店名一樣😍😍係熱沙上烹煮，再係煮既過程用銅壺將咖啡受熱，我個人認為就算唔係咖啡控都好值得體驗下土耳其既文化，老闆娘好熱心分享左好多咖啡知識比我地，原本飲完睇杯底可以用來占卦呢，非常有趣；係舖頭既街坊大多係土耳其文化愛好者，亦相當健談，希望呢種有人情味、有質素既特色小店係香港可以越開越多啦