Thirty First of May (已結業)

荃灣車房街附近好多餐廳，轉角位嘅餐廳轉過幾手，今次開左間Thirty first of May，環境舒適浪漫，大大個月球燈好有情調，同外面好似兩個世界咁。lunch set價錢唔貴，$60-$100左右一個，餐包用蒸龍上好特別😛 蘑菇湯好香濃，飲到粒粒蘑菇蓉😋黑松露煙鴨胸意大利飯，黑松露味唔夠香濃，個意大利飯濕濕地，鴨胸亦都唔會太老，不錯！Carbonara 比較乾身，同cream味好重，食到最後有少少膩。特別一提依間餐廳服務好窩心，當日有落雨大家都有把濕笠笠嘅遮，餐廳職員主動幫我地扣好把遮係餐廳外面，再俾番個號碼牌俾我地。 仲會記低每一個客人落嘅單，直接可以將食物放到果位客人面前，依啲地方嘅西餐廳都有依種服務，真係值得一讚👍🏻😝