影片
更多
2013-08-16
3964 瀏覽
住港島區想享受美景美食 , 唔使過海去紅磡都會海逸嘞, 同一集團梗有一 間係左近, 今餐揀左係北角海逸君綽酒店三樓既Harbour Grand Cafe食dinner buffet。 海逸君綽座落於北角油街, 鄰近港鐵炮台山站, 酒店無論外觀及格局均與都會海逸同出一轍!是晚我地6:30左右進入餐廳, 映入眼廉既係好大好grand既大廳 , 由女侍應禮貌地帶領入座, 仲親切地提點我地buffet開始左, 之後即有男侍應走來問我地要咩餐飲, 有紅酒、白洒及汽水任君選擇, 聽男侍應講解白洒係意大利, 我地始終對白洒唔多熟悉, 所以揀左飲紅洒。呢度個buffet bar夠大, 擺放左好多唔同種類既好嘢食…先講冷盤: 有啖啖肉既開邊波士頓龍蝦, 仲食到蝦膏添 , 雖然隻大鉗有d鹹, 但肉質新鮮彈牙。 有長腳蟹, 肉質超飽滿又鮮甜 , yummy! 有即開生蠔, 好清甜。 有翡翠螺, 肉身爽甜, 有鮮甜凍蝦等等，全部源源不絕咁供應, 唔怕攞唔到, 最怕食唔落姐! 刺身有三文魚、八爪魚、吞拿魚、希靈鱼等, 三文魚甘甜肥美。 估唔到有一板板既海膽 , 但係食完之後好驚, 因為好腥 啊!
是晚我地6:30左右進入餐廳, 映入眼廉既係好大好grand既大廳 , 由女侍應禮貌地帶領入座, 仲親切地提點我地buffet開始左, 之後即有男侍應走來問我地要咩餐飲, 有紅酒、白洒及汽水任君選擇, 聽男侍應講解白洒係意大利, 我地始終對白洒唔多熟悉, 所以揀左飲紅洒。
呢度個buffet bar夠大, 擺放左好多唔同種類既好嘢食…先講冷盤: 有啖啖肉既開邊波士頓龍蝦, 仲食到蝦膏添 , 雖然隻大鉗有d鹹, 但肉質新鮮彈牙。 有長腳蟹, 肉質超飽滿又鮮甜 , yummy! 有即開生蠔, 好清甜。 有翡翠螺, 肉身爽甜, 有鮮甜凍蝦等等，全部源源不絕咁供應, 唔怕攞唔到, 最怕食唔落姐!
刺身有三文魚、八爪魚、吞拿魚、希靈鱼等, 三文魚甘甜肥美。 估唔到有一板板既海膽 , 但係食完之後好驚, 因為好腥 啊! 而壽司分別有三文魚、赤貝、腐皮、加洲卷、太卷等。 沙律區有唔同既配料及醬料任人搭配, 法式芝士有多種款式, 仲有火腿同煙三文魚呀!!
最令人難忘既熱盤有香煎鹅肝多士, 鹅肝又軟又滑, 有入口即溶 既感覺, 食多几件都唔會覺得heavy! 有三款唔同風格既魚柳, 一款用香蔥杞子蒸, 好滑兼啖啖肉。 另一款係香草沙律醬焗三文魚扒, 鹹鹹地, 算唔錯。 最特別係呢款香草白汁焗魚柳卷, 魚柳卷內包住d蘑菇同菜, 好清新爽口! 西冷牛扒, 肉質較韌, 纖維較結實, 有咬口和濃郁牛肉味。炸蝦天婦羅，相當酥脆爽口，好食到停唔到口 ！ 片皮鴨（已預早片好），有餅皮（係細細塊圓形狀）、青瓜、京蔥、甜醬等配料俾人自己包，兩塊餅皮先包得起一塊片皮鴨，塊餅皮又厚，好食但食一件已經好“濟“ ！ 咖哩羊腩、牛腩，個汁好香濃，微辣，腩肉又淋，羊腩帶小羶味, 撈左小小炒飯食，簡直一流！干燒伊麵，唔油膩，味道不錯。燒雞, 肉質又乾又硬 ！熟龍蝦、青口、意粉、時菜等都唔錯。淥麵區，d粉麵好幼滑，丸丸好彈牙。
甜品區: “Movenpick"雪糕有生果、果仁、朱古力、呍哩拿、咖啡、曲奇等十二款味道, 好幼滑，忍唔住 食左九款味道。紐約芝士餅， 有濃香芝士味， 但口感硬實！ 有兩款軟綿綿既蛋糕， 一款係黑森林， 另一款係白朱古力，d朱古力薄片夠濃郁！ 一杯杯既Tiramisu, 用匙羹一層層咁细味， cheese加上cream又軟又幼滑， 不過要食到杯底先有濃濃既咖啡味。細細件既拿破侖， 由兩片酥皮夾著雲呢拿吉士醬而成， 酥皮層次太少，亦唔夠鬆化! 雜果批, 唔會太甜。 細細件既朱古力蛋糕, 有d實。 红莓慕絲, 唔會膩口。還有迷你撻、窩夫、、朱古力噴泉、pancake etc...中式則有豆腐花, 清甜既桂花糕及椰汁糕, 糯米磁等。龍眼紅棗水, 飲落口好香甜兼潤喉, 即刻要來多一碗 ! 生果有西瓜，唔夠甜、哈蜜瓜，几鮮甜、蜜瓜，無咩味、菠蘿，好香甜等。場內不時響起鋼琴師悅耳動聽既琴聲, 還夾雜著壽星者既生日曲…
笑容滿面既侍應們, 殷勤地為每枱客人酙水及收碟, 每枱還遞上一張問卷調查, 以便改善酒店既質素。 值得加分 既係, 有位細心既女侍應, 眼見我地影緊相, 仲主動走來問我地需唔需要幫手影合照添!!!
如斯情景美食, 仲唔係五星級既享受 ?!
張貼
