肉餅哥小炒料理 (已結業)

近來成日聽肉餅哥，話間餐廳有千萬種肉餅，仲有好多特別既肉餅，咁多人去試，我又點會執輸呢？睇雜誌講大圍開左新舖，近近地去試下先！係沙田出發，搭283就到了，我地8點左右到，門外竟然有成20人排晒隊！我同老公最後等左25分鐘就有位啦！打開Menu一睇，真係嚇親呀！好多種唔同既肉餅喎！價錢仲要唔係好貴，幾親民！由於好耐無湯水飲啦，叫左碗花膠雞腳湯飲，呢碗湯真係值得一讚呀！湯面係完全無油架！花膠有兩大片，雞腳亦煲得好林，味道唔算太濃味，但帶著濃厚既花膠香味，比起老火湯（是日冬瓜湯）味道更好味！首先食既係糖醋汁煎肉餅，煎既比較快就有了，大約10分鐘，肉餅大約有2 cm厚，精髓當然係個汁，糖醋汁好開胃，個味都幾濃，個汁似係咕嚕肉咁，但加左少少酸味，我揀左油飯，加$2，油飯味道一般，唔似係海南雞飯𠴱啲油飯咁濕，係乾身的，由於糖醋汁酸酸甜甜好惹味，我都係食晒成碗飯：）重點黎啦！究竟一個肉餅飯點可以賣到$99？等我話你知，我地挑戰左馳名既足三両花膠蒸肉餅飯，一黎到我以為自己叫左雞燉翅，先係用左個銅上，花膠舖面，係完全Cover晒成個鍋，大大片的花膠，真係大過我塊面！蒸得好林身，入口即融，食既時間係「先」