一芳台灣水果茶 (已結業)

嚟到一芳搵到一種台灣茶店簡約、舒服嘅親切感。店名既然叫得水果茶，無理由唔叫杯試試，真係要嚟踢下館先。飲品選擇掛晒牆身上面，一目了然。落單時店員貼心推介半糖。通常未試過嘅餐廳，我習慣都係會試原味先，所以佢叫停我嗰刻，我都停頓諗左一陣。好啦，既然咁貼心，半糖就半糖。幫襯嗰日喉嚨涸涸地，飲第一啖已經飲到果香好好味。建議嘅半糖甜度和水果混在一起啱啱好。好彩叫半糖如果唔係就真係太甜。但係呢度坐低嘅位置就唔多，如果响旺角同朋友食完飯後，又想外賣杯飯後茶，呢度會係一個好嘅選擇。