快樂蜂 (軒尼詩道)

營業中

休息中

成日都話想試快樂蜂嘅炸雞，但每次經過都唔記得左，今日終於叫埋男友一齊去試下。套餐款式都係同典型快餐店差不多，有汽水、炸雞同薯條等，不過份量就比其他連鎖炸雞店細，價錢亦都略貴一啲。炸雞兩件有雞胸同雞鎚各一，外皮唔厚粉炸得好鬆脆，入面嘅雞肉仍然保持住嫩滑juicy，唔會話炸到好乾好硬，雖然食落就油左啲但整體嚟講都算唔錯。快樂蜂嘅薯條炸得比較鬆脆可口，不過份量就少左啲，不知不覺就食哂成包。幾鍾意佢地個蘑菇汁，咸咸地點炸雞或者撈飯食都好好味。