影片
更多
2021-08-08
237 瀏覽
放工突然間黃色暴雨警告，求其搵間舖頭食個下午茶避下雨。經過唔少舖頭，睇到好多下午茶都係去到5:30😮💨行吓行吓就嚟到富榮花園。難得俾我搵到一間茶餐廳下午茶係去到6:00。「海富美食茶餐廳」佢終於重新執靚左個餐牌，下午茶餐就20幾蚊至到40幾蚊不等。我今日叫咗廈門炒米。究竟廈門炒米係咩？我記憶中就係一碟甜甜地嘅炒米粉，感覺就似星洲炒米唔落咖喱粉，而落咗啲甜甜嘅醬去炒。咁究竟甜甜哋嘅醬又係啲咩嚟嘅呢？就係五柳菜，一種廣州人舊時都幾鍾意用嘅一種醃菜，甜甜地得來有少少酸。我細個嗰時成日都會食五柳炒蛋，煮法好簡單好好送飯好好食，可以參照下：https://youtu.be/iYEcki8wXnw講返呢個廈門炒米，味道來講都算正正常常，冇太大嘅驚喜但又唔會點失望。反而依度啲辣椒醬真係辣得來又幾好食，如果食炒飯嗰時加幾滴應該都唔錯。為咗啲辣椒醬，我諗我下次經過都會嚟幫襯下。Mcmug綜合評分：5/10，正正常常冇乜特別
放工突然間黃色暴雨警告，求其搵間舖頭食個下午茶避下雨。
經過唔少舖頭，睇到好多下午茶都係去到5:30😮💨行吓行吓就嚟到富榮花園。難得俾我搵到一間茶餐廳下午茶係去到6:00。
「海富美食茶餐廳」
佢終於重新執靚左個餐牌，下午茶餐就20幾蚊至到40幾蚊不等。
我今日叫咗廈門炒米。
究竟廈門炒米係咩？我記憶中就係一碟甜甜地嘅炒米粉，感覺就似星洲炒米唔落咖喱粉，而落咗啲甜甜嘅醬去炒。
咁究竟甜甜哋嘅醬又係啲咩嚟嘅呢？
就係五柳菜，一種廣州人舊時都幾鍾意用嘅一種醃菜，甜甜地得來有少少酸。
我細個嗰時成日都會食五柳炒蛋，煮法好簡單好好送飯好好食，可以參照下：https://youtu.be/iYEcki8wXnw
講返呢個廈門炒米，味道來講都算正正常常，冇太大嘅驚喜但又唔會點失望。
反而依度啲辣椒醬真係辣得來又幾好食，如果食炒飯嗰時加幾滴應該都唔錯。
為咗啲辣椒醬，我諗我下次經過都會嚟幫襯下。
Mcmug綜合評分：5/10，正正常常冇乜特別
張貼
