甜品老媽 (已結業)

成日聽人講筲箕灣東大街又多野食又好食，但實在太遠，一直都冇閒情逸致去試。幾個人出左黎玩，熱左大半日，提議去食糖水，終於都黎第一次啦！好多選擇，有中有西，好多款友人都推介，可惜眼闊肚窄。最後揀左杏汁蛋白＋芋圓。杏汁蛋白幾香杏仁味，味道唔錯，唔會好甜。芋圓出色，芋頭同蕃薯味都突出，而且煙煙韌韌一齊share芒果炸兩，好特別 外層既椰汁腸粉好滑，中間包住泡芙，忌廉同芒果，真係做到炸兩咁既樣！泡芙好脆，層層都唔同口感，食落去好得意，味道都唔錯。食九龍城甜品食到厭，下次要再黎筲箕灣！