金禾閣餐廳

營業中

休息中

今日去咗老友屋企打牌，中午開始就開始了。打到咁上下，悶局，大家都沒有大上落。屋主提議落樓下商場食個下午茶，醫下個肚，鬆一鬆先。一呼三和應。屋主建議去茶記，於是去了金禾閣，佢話呢凍飲唔使加錢，比較抵。屋主叫咗魚片角魚蛋米粉配加凍檸水少甜。魚片角魚蛋都幾爽口彈牙。另一朋友叫了乳香雞翼一丁配凍檸茶少甜。佢話用南乳整的雞翼幾特別，好入味，好好食。最後兩位，包括在下，都係叫咗沙嗲牛肉一丁。我要了凍啡，而佢就要了凍檸茶正常。啲牛肉認真嘛嘛，沙嗲味又唔夠。下次有機會再來都唔會打叫。大家食飽，抖夠之後，又返上去再戰。