餃掂手工餃子雲吞專門店

放假去銅鑼灣shopping，突然好想食餃子🥟，諗起呢間「餃掂」，之前喺旺角食過，都幾好食，最讚既係佢哋既老火湯，標榜係零味精🤩🌟龍鳳松茸雙灼餃 $86🌟呢個要介紹朋友試吓先得，其實係黑松露同白松露餃，好少地方會食到，同埋牆上面都有介紹松露既好處多多😍一場嚟到唔係唔試吓掛🤪🌟韭菜豬肉餃 $47🌟個人覺得韭菜豬肉餃煎會香口好食好多😋煎完韭菜味更香濃入味，岩曬韭菜控🤩🌟芫茜豬肉餃 $46🌟芫茜又係不敗之選，芫茜份量十足，香味撲鼻，鐘意食芫茜既要試吓先得，加埋陳醋一齊食，味道更佳，好味到連湯都飲曬😋🌟四川涼皮 $32🌟想食酸菜魚既寬粉，咁岩呢度有涼皮，即點😝木薯粉製成既涼皮，晶瑩通透，口感滑溜，加埋特製醬汁，配料青瓜花生粒，涼浸浸，係夏天熱辣辣最佳菜式之一🤓🌟蜂蜜檸檬薏米水(枝) $28🌟太熱關係，揀咗枝裝薏米水解渴消暑，味道唔會過甜，味道有淡淡既蜂蜜味，底下仲有啲薏米😉