夏雪 (已結業)

之前係中環試過First Crack by Summer Ice覺得佢地嘅咖啡☕️同窩夫🧇幾正, 於是今日去大圍果陣就去試下佢地另一間鋪! 可能係星期日下晝嘅關係所以都幾多人, 餐廳設有樓上樓下兩層, 小妹揀左樓上坐, 環境相對更闊落! 🌟Ice drip(肯雅)入口咖啡味好香, 口感順滑, 一d酸味都無, 帶水果香同微微堅果味, 味道不錯🌟Chamomile Tea洋甘菊花茶味道清香, 配搭甜品一齊食會帶有陣陣花香, 仲可以清清口腔!🌟比利時雙重朱古力窩夫一上枱已經聞到好濃郁嘅朱古力味, 入口朱古力香濃幼滑, 帶微微甘甜味, 窩夫熱辣辣, 外脆內軟, 配埋朱古力醬同軟滑雪糕, 邪惡至極😈🌟愛爾蘭威士忌咖啡窩夫咬落去啖啖都係極濃咖啡味, 甜度適中, 口感同樣外脆內軟, 咖啡迷一定岩哂!