極上帝王水產

營業中

休息中

兆萬係旺角美食集中地，有好多樓上日式放題，之前都食過一啲唔錯嘅，今次去左聽個名都覺得勁嘅✨極上帝王水產🦀✨，食到好滿足😌餐廳入面掛滿和風旗幟作裝潢，氣氛輕鬆舒適。我哋升級左極上套餐，一坐低店員就幫我地安排先送上一份刺身拼盤，同一盤大大隻嘅生蠔！另外重有鍋物選擇（海鮮鍋或壽喜燒鍋）我地就揀左海鮮鍋，入面有蝦，蜆，青口等…湯底鮮甜，而家嘅天氣飲啖熱湯真係勁正，最正嘅係放題食材入面重有好多其他火鍋配料可以叫黎繼續放落火鍋🤭火鍋未食完我至愛嘅大閘蟹已經送上！新鮮熱辣，未拆開隻蟹已經見到啲蟹膏蟹黃爆緊出嚟！好開心呀🥳呢度食物款式多元化，食物質素唔錯，有好多唔同炸物燒物同主食，但由於我哋鐘意主力食壽司，所以唔係試左好多熱食，不過已經好滿足！❤️❤️甜品主要係雪糕，竟然重比我見到有豆腐花！重要係由細食到大嗰個品牌，所以我二話不說就攞左🤣男朋友話飽到食唔到甜品，睇嚟都係我戰鬥力强啲🤣🤣