大熊本洋風料理 (已結業)

入到去已經覺得勁迫同嘈，以為自己坐卡位好D，點知一樣甘焗，有人行過個地臺會震，攪到張椅好似成日俾人踢甘，坐無安寧。叫左好多野食，但無樣覺得好味!!比較OK 只有豬肉西京燒、金龍卷、牛肉鍋，帶子石頭飯、魷魚筒同椰汁燕窩，如果你迫於無奈要去，甘就唯有叫呢幾樣啦!!而佢地自己推介的芝士火鍋我就覺得好呃錢，D料得無味牛肉片，麵包有陣雪完未解哂凍既味，另外只有冬菇、茄子、雞肉等，明明是日式火鍋料只是換左芝士湯底，不單鍋底無芝士香D料又唔掂，要收我108 勁呃錢!!!個D蟹子蘋果沙律、無骨餃子無物特別，野菜鍋不合格，牛尾鍋太酸、炸龍蝦丸元綠好味過佢好多!!麵包焗布丁不吃也擺!!而呢到既魚生甘價錢是與質數相符，要求唔高既人可吃黎試下。雖然我未試哂全店既野，但吃左甘多都唔覺一樣好味，下次都唔使指意我幫趁。