影片
更多
2018-03-21
800 瀏覽
朋友知我鐘意食牛，亦係一個食肉獸就話帶我去食牛食到飽。有人帶路食好西梗係二話不說應約啦，所以晏晝只係食左少少就留肚等今晚呢餐。初初以為佢帶我去食牛肉火鍋咁普通啦，但點知係過黎黃大仙鋸扒?!真係有啲驚喜。正式食主菜之前先黎個開胃小食－－紅菜頭醃製三文魚。顏色鮮艷奪目，魚肉厚薄適中入口清爽，微酸甜得黎三文魚更帶有甜甜的紅菜頭香氣。咀嚼時香草味慢慢滲出更覺魚香幼滑。如將三文魚沾上附加嘅蛋黃醬更可令味道層次提升不少，蛋黃醬嘅香濃與三文魚脂結合相得益相彰，配上麥包同吃滋味無窮。之後係瑪格麗特薄餅，材料好簡單只有MOZZARELLA芝士及蕃茄醬，再加少少香草碎點綴。但正因為佢用料簡單所以味道更覺深厚。滿滿嘅蕃茄香甜配搭上濃郁嘅芝士，再加上意式薄脆餅皮夠酥脆，散發出淡淡麵香，三者融合無間，美味就係咁簡單直接。接着就係其中一個主菜－－烤豬肋骨配大蝦。係影左兩下之後朋友已經急不及待將豬肋骨解體，因為佢個燒烤醬真係好香，焦燶中帶有蜜糖嘅香甜。見朋友手起刀落就將每條肋骨獨立分出黎，由此可見肋骨燒到多麼腍化。果不其然豬肋骨肉質十分軟腍多汁，輕輕一叉就骨肉分離。肋骨肥瘦適中所以燒完都唔會好乾柴，加上醃製得夠入味
紅菜頭醃製三文魚
$88
8 瀏覽
0 讚好
0 留言
正式食主菜之前先黎個開胃小食－－紅菜頭醃製三文魚。顏色鮮艷奪目，魚肉厚薄適中入口清爽，微酸甜得黎三文魚更帶有甜甜的紅菜頭香氣。咀嚼時香草味慢慢滲出更覺魚香幼滑。
如將三文魚沾上附加嘅蛋黃醬更可令味道層次提升不少，蛋黃醬嘅香濃與三文魚脂結合相得益相彰，配上麥包同吃滋味無窮。
瑪格麗特薄餅
$88
8 瀏覽
0 讚好
0 留言
之後係瑪格麗特薄餅，材料好簡單只有MOZZARELLA芝士及蕃茄醬，再加少少香草碎點綴。但正因為佢用料簡單所以味道更覺深厚。滿滿嘅蕃茄香甜配搭上濃郁嘅芝士，再加上意式薄脆餅皮夠酥脆，散發出淡淡麵香，三者融合無間，美味就係咁簡單直接。
烤豬肋骨配大蝦
$170
12 瀏覽
0 讚好
0 留言
係影左兩下之後朋友已經急不及待將豬肋骨解體，因為佢個燒烤醬真係好香，焦燶中帶有蜜糖嘅香甜。見朋友手起刀落就將每條肋骨獨立分出黎，由此可見肋骨燒到多麼腍化。
果不其然豬肋骨肉質十分軟腍多汁，輕輕一叉就骨肉分離。肋骨肥瘦適中所以燒完都唔會好乾柴，加上醃製得夠入味配上燒烤醬，真係連骨頭都舔得一乾二淨。
而大蝦同豬肋骨相比之下就差左少少了，雖然夠大隻同彈牙，但好似無點調味只有燒完嘅焦香味道。
炭燒美國極佳牛扒
$468
15 瀏覽
0 讚好
0 留言
30oz真係唔惹少，拍埋部蘋果6隔離足足大左兩個碼，而且更有成吋厚，份量已經值回票價。
雖然咁大塊但火候依然掌握得恰到好處，我地點左五成熟將塊扒中間切開，鮮嫩嘅粉紅色表露無遺。因為牛肉本身好高質，只用炭燒就已經帶出佢本身嘅滋味。
先食啖原味先，牛肉味十分濃郁，甘甜腍滑得黎仲有少少咬口，牛肉汁夾雜牛油脂肪嘅感覺同味道真係令人慾罷不能。而點上紅酒汁嘅牛肉味道更香，醬汁補充左牛肉嘅咸令食落去味道更多變化。
而全塊牛扒最好食嘅莫過於係骨邊嘅肉，因為呢個部分脂肪最適中，燒得最香口同有筋位嘅煙韌，識食一定要食呢個位。食完今餐真係滿足晒食牛嘅慾望，塊牛扒兩個人分都夠食有餘而且質素同味道一流，咁大塊食完都唔會覺得寡。埋單雖然有少少貴，但整體食物同侍應嘅服都值回票價。
張貼
