亞萊嘜嘜 (已結業)

由真正泰國人主理，極高水準而味道正宗既泰國菜，住元朗區街坊應該無人不知吧。平易近人的老闆娘自小就跟隨家人來港生活，由元朗的一個小角大排檔做到今時今日既全層樓大餐廳亞萊嘜嘜今次食既係母親節主題既款式，味道相對平易近人，大人細佬都會啱食。一開始既泰式小食拼盤已經令人驚喜，全部款式都係師傅全人手造不用外來貨，尤其喜愛極重泰式香料風味的泰式魚餅，班蘭葉飽雞，味道清新開胃。泰式生蝦刺身味道新鮮及冬蔭功海鮮湯都係非常出色，口味重得嚟剛剛好不會過鹹或過甜重頭戲既泰式咖哩海鮮拼大蝦農夫包上，依個一定要食，麵包沾上完美既咖哩簡直係極品，全部海鮮都係珍寶級仲要炸到非常香口，軟殼蟹，大虎蝦同有青口極度美味，另外叫左朋友極力推介磚型特色蒜香包，點上咖哩汁後味道無可挑剔，一定不可以錯過。飲品方面推介佢地用新鮮芒果打既沙冰，極度冰涼鮮味又不會太甜，另外肉碎生菜包，泰式香芒蟹肉炒飯，椰汁鴛鴦糯米飯及泰式甜品拼盤全部都係水準上剩既味道，但奈何實在太豐富只能淺嘗，最後仲要打包先不用浪費食物。我已經決定好快要再返轉頭食咖哩海鮮同蒜香包，簡直已上癮