影片
更多
2011-06-10
5 瀏覽
記得第一次幫襯而經係個幾月前的事，當時係被它的花瓶燈吸引而入去。見餐牌極力推介金華火腿厚多士就叫了一客。嘩，D金腿及o既香味滲o西落D雞蛋到，好好味呀見o吾係好飽，再叫o左個扒咖央多。D咖央好重班蘭葉同椰汁味，味食過o甘好味o既咖央，值得推介。埋單時同四眼收銀姐姐講Do野好好味，她很熱誠同好有禮貌o甘多謝我。細問之下先知咖央係老闆娘自己做的，出面冇得買。四眼姐姐重同我講D晚飯小菜同燒味都好好食，係o甘叫我下次Lunch or Dinner再來試過。今時今日有o甘o既服務太度認真一流。誠很的笑容跟親切o既對答真係好難得。見她o甘hardsell 同熱誠，今日同朋友Lunch time再來一試。今日我o地叫o左午市套餐同燒味。先講個例湯，西洋菜煲豬骨。同出面o既例湯o吾同，飲得出用料十足，o吾係味精水，因爲飲完o吾口喝，真係好好味。再o黎乳豬叉燒例牌。D叉燒半肥瘦，好淋，好有蜜味。至於乳豬，皮鬆化肉厚，o吾同酒樓果D只得皮食，好味。朋友叫o左陳皮鴨湯飯($62)。他話好好味，份量十足，出面未食過o甘好味。可惜我o吾食鴨，試o吾倒。至於我的套餐: 金針雲耳蒸滑雞($48)。初初以爲o甘o既價
嘩，D金腿及o既香味滲o西落D雞蛋到，好好味呀
見o吾係好飽，再叫o左個扒咖央多。D咖央好重班蘭葉同椰汁味，味食過o甘好味o既咖央，值得推介。
埋單時同四眼收銀姐姐講Do野好好味，她很熱誠同好有禮貌o甘多謝我。細問之下先知咖央係老闆娘自己做的，出面冇得買。四眼姐姐重同我講D晚飯小菜同燒味都好好食，係o甘叫我下次Lunch or Dinner再來試過。今時今日有o甘o既服務太度認真一流。誠很的笑容跟親切o既對答真係好難得。見她o甘hardsell 同熱誠，今日同朋友Lunch time再來一試。
今日我o地叫o左午市套餐同燒味。
先講個例湯，西洋菜煲豬骨。同出面o既例湯o吾同，飲得出用料十足，o吾係味精水，因爲飲完o吾口喝，真係好好味。
再o黎乳豬叉燒例牌。
D叉燒半肥瘦，好淋，好有蜜味。至於乳豬，皮鬆化肉厚，o吾同酒樓果D只得皮食，好味。
朋友叫o左陳皮鴨湯飯($62)。他話好好味，份量十足，出面未食過o甘好味。可惜我o吾食鴨，試o吾倒。
至於我的套餐: 金針雲耳蒸滑雞($48)。初初以爲o甘o既價錢一定係雪雞，但喜出望外，D雞好有雞味，重好滑添，食完有D感動。
走時本來想同四眼姐姐講句多謝，如果o吾係巨o既極力推介我o吾會食到o甘好味o既o野。可惜o吾見巨，換o左另一個冇笑容o既四眼收銀。希望巨只係放假，下次來重可以見到巨親切o既笑容。
張貼