銘師傅潮州粉麵

營業中

休息中

有高人指點話呢一間潮式粉麵店一定要試，上Openrice先知原來係新店，試過之後真係無介紹錯，當中極力推薦魚蛋，食得出佢嘅新鮮。淨紫菜四寶入面當然有紫菜啦，另外亦有我極力推介嘅魚蛋，仲有魚皮餃、墨魚丸同埋札肉，最可惜無魚片，下次要另外叫碗魚蛋米試下。我地仲試咗牛雜粗麵，D牛雜好入味好新鮮，而且價錢算好平，印象之中好似係$38一碗，真係抵到無朋友，而且牛雜嘅質素算係高。另一碗粉麵就試咗魚皮餃麵，佢個魚皮餃都做得好，餃皮薄得黎煙煙韌韌，D餡料都幾新鮮。炸魚片都OK，夠硬身，浸一浸湯再食都唔會林晒。