MOS Burger (已結業)

今日同同事走去食mos，佢叫左個熱狗餐，而我就叫左個極品和牛漢堡，和牛漢堡伴係照燒汁，入面有煎蛋同一塊幾厚既和牛肉，咬啖後發覺燒汁好厚味，而和牛肉味一般，不過肉汁都算充足，塊蛋到變全熟，如果係半生熟，有得流下蛋黃就一定會好味好多。薯條一般脆，長度大小都幾滿意，落鹽唔算多，食落唔會咁易口乾，而雞塊比較老，無乜汁同肉質口感一般。熱狗好大件而且多醬又多洋蔥，食入口一咬就滿口肉同醬混和，感覺非常好。要彈既就係地方太細，而且太逼，坐得非常唔舒，幸好員工工作非常快手，見有人走會立即執檯，畀其他食客用。