一盛極牛 (已結業)

提起日本美食， 和牛同拉麵絕對係榜上有名。 今晚我哋去咗一間有齊呢兩樣嘢嘅名店用膳。食店就喺尖沙咀金巴利道， 但就locate 喺天文台道斜路上。 店內充滿日本味道， 以木裝修為主， 半圓形bar 檯感覺冇咁死板。一般日式嘅食店setting ， 有一瓶冰水可以自斟自飲。 大大個男神喺你隔離， 仲播住平井堅嘅歌～～～枱面就介紹咗本店和王和牛嘅威水史， 絕對係和牛中嘅頂級品種 ，還有拉麵嘅 製法和來源也非常正宗。拉麵可按自己喜好調節配菜份量， 而麵嘅硬度也可選擇。 徵詢過店員， 普通程度已經算係極煙靭， 我們都選普通唔想太有驚喜。白牛拉麵都以牛骨湯為底味， 加添了白松露。 牛肉選了雙份， 刺身和炙燒每樣一半。 先試湯底， 夠濃厚，醇和， 不知是否和牛嘅油融化了， 牛骨湯飲落亦有油香， 啖啖滋味， 加上白松露嘅芳香， 令人一試難忘。要先吃和牛刺身， 享受肉質嘅鮮嫩和軟熟， 並能感受到牛油嘅澎湃。 再來吃炙燒過嘅和牛片， 入口即溶， 兩者同吃真係雙重享受。極上拉麵材料和白牛拉麵相約。 極上拉麵湯底牛味更濃， 唔知係咪因為冇咗白松露嘅關係， 飲落更原始，純正嘅牛骨湯味。加添的溏心蛋， 醃得非常